Geloof speel ook "n Rol

Na vele bepeinsing waag ek ook nou om oor die Eselkloupan verskynsel te skryf.

Omdat die meeste skrywers geloof inbring sal ek ook daar begin.

Geloof is dit wat dit is - net geloof en net dit.

Die wetenskap is dit wat ons weet. Ook net dit.

Ek weet dit wat ek weet omdat ek dit met my beperkte sintuie kan waarneem.

Ek byvoorbeeld, sien in alles om my, die teenwoordigheid van my skepper. Ek stry met niemand daaroor nie. As 'n blinde man se dat daar nie 'n son bestaan nie kan ek nie met hom stry nie . Vir hom bestaan die son nie.

Die wetenskap neem waar en verklaar alles aan die hand van sy waarnemings.

Ek het die spore as Quasi wetenskaplike gaan besigtig. My eerste indruk was dat dit sekerlik vir die oningeligte na spore sal lyk. By nadere omdersoek het dit egter geblyk dat die gaatjies almal in n reguit ry is en dat dit presies eenders lyk.

Omdat blote waarneming subjektief kan wees, het ek voorgestel dat ons afdrukke van die gaatjies maak en dit vergelyk. Van die vyf gaatjies waarvan ons afdrukke gemaak het was drie presies eenders. Die ander twee was ook presies eenders.Dit stem ooreen met die spore van 'n viervoetige dier ( twee voorvoete en twee agtervoete)

Ek het die fotos van verskeie maalgaatjies bestudeer. Die vorm is kenmerkend maar daar is nie twee wat dieselfde lyk nie.

Wat die datering van die gesteentes betref: Geen datering is absoluut betroubaar nie.

Wat die ouderdom van die aarde aan betref en wanneer lewe ontstaan het is die meeste skattings net teoriee. Hoewel dit as 'n wetenskap geklasifiseer is is die meeste skattings nog net hipoteses wat met 'n hoe graad vertroue aanvaar kan word. Die venstertjie waardeur ons na die verlede kyk is bitter klein. Dis om in en minuut voor middernag op oujaar vir iemand te vra hy moet met dit wat hy nou kan waarneem te beskryf wat gedurende die hele jaar gebeur het.

Wat die eselkloupan verskynsel aanbetref. Ek kan met n groot mate van vertroue se dat dit nie maalgaatjies nie. Geen maalgat lyk so nie. Ons kan nie se dat nie spore is omdat die gesteentes te oud is nie Ons kan net se dat ons nie bewus was daarvan dat lewe so vroeg al bestaan het nie. Of ons moet weer ons metodes van datering evalueer. Of ons moet verder soek om die verskynsel te verklaar.

Al wat ons op hierdie stadium met sekerheid kan se is dat die verskynsel uniek is en dat dit bewaar moet word.

Danie Coetzee

Die beskrywing van die Noord Kaap Geologie is op http://www.geoscience.org.za/index.php?option=com_content&task=view&id=341&Itemid=449

Geologie Les

Hi Almal,

'n Kwartsiet is 'n gesteente wat dominant uit sand bestaan wat

"gemetamorfiseer" is. As dit nie gemetamorifeer is nie, sou ons dit

sandsteen genoem het, soos wat baie van die ou gebou in die kaap asook die

Unigebou van gebou is. Tydens metamorfose verander die sand, smelt as te

ware, om kwarts kristalle te vorm en dan noem ons dit 'n kwartsiet. Net soos

'n katoenland wat klitsgras of kakiebos in het, noem ons dit nie 'n

kakiebosland nie, maar dit wat die meeste daarin voorkom en dus, hopelik 'n

katoenland, alhoewel ek wonder as ek na sommige lande kyk. Dus, alhoewel

daar rolstene in die "Ezelsklougesteentes" voorkom is die gesteente dominant

van kwarts en word dit dus 'n kwartsiet genoem. Die gedeelte waar die

kolkgate voorkom is meer rolsteenryk, maar as daar na die hele gebied gekyk

word is die dominante gesteente kwartsiet.

Hier is so 'n stukkie oor geologie:

Daar word 2 primere gesteentes gevind:

1. Stollingsgesteentes: Die gesteentes word in 2 groepe verdeel nl.: As die

gesmelte rots bo die oppervlak uitkom soos in vulkane, noem ons dit lawa

soos by Hawaii en word dit vulkaniese rots genoem. Hier kry mens dan Basalte

of basaltiese lawas waarvan die Drankensberge 'n goeie voorbeeld is. As die

gesmelte rots onder die aardkors stol noem ons dit magma of Plutoniese rots

en hier is die bekendste seker graniet wat a.g.v. verweering op die

oppervlak blootgestel word soos die graniete by Augrabies.

Stollingsgesteentes word verder ingedeel volgens hulle chemie, mineraal

samestelling, kleur, tekstuur, Kristal grootte, ens.

2. Sedimenteregesteentes: Dis meestal stollings gesteentes wat verweer na

sand, modder, slik, ens, wat dan verhard om sandsteen, moddersteen en

sliksteen te vorm. Let op dat dit korrelgrote klassifikasies is. 'n

Konglomeraat, wat uit rolstene bestaan, soos wat ons in 'n rivierbedding

aantref, val ook in die groep, maar Wollie jy moet saamstem dat daar hier en

daar rolsteentjies is, maar dat dit nie 'n konglomeraat is nie.

Die derde gesteente is dan 'n metamorfe gesteente, wat soos ek hierbo gesê

het, uit een van die boonste 2 bestaan, maar a.g.v. druk en temperatuur

verander word. Metamorfe gesteentes word volgens die graad van metamorfose

(graad van verandering) ingedeel bv. Groen Skis-, Amfiboliet-, Granuliet

fasies, ens. 'n Goeie voorbeeld is die baie donker gesteentes omtrent 10km

uit Upt na Groblershoop wat die Amfiboliete van die Jannelsepan formasie van

die Areachap Groep is.

Vir nou dink ek dis genoeg, maar vir die baie ywerige klipliefhebber is daar

by die Raad van Geowetenskappe in Upt boeke te koop oor die geologie van ons

omgewing. Skakel gerus vir Alexander Aggenbach of Google sommer Geology of

the Northern Cape.

Groete

Deon Rossouw

Die Volgende Spore

Hallo alle Vriende,

Eerstens wil ek net weer ons doelwit waarmee ons besig is, stel.

Ons is nog steeds besig om toerisme in ons streek te bevorder en te bemark

en 'n belangrike faktor is om mense se belangstelling te prikkel. Een

daarvan is om debat oor 'n onderwerp soos hierdie te begin.

Julle kan die briefwisseling op ons webblad volg

Dit is ook belangrik om mense van besienswaardighede in ons streek bewus te

maak en ons het al so 'n paar interessante plekke onder die publiek se

aandag gebring.

Een daarvan is die glip-laag wat naby Grootdrink geleë is. (volgens Deon en

Piet Bothe is dit 4.5 Biljoen jaar gelede gevorm) Die Boesman-grot op "Oude

Puts". Die ander is ons besonderse plante en die natuur in die algemeen.

Deon ons waardeer jou insette maar vergeef dat ons kritiese denkers bly. My

ondervinding van mense is dat ons maar trop diere is en gewoonlik blindweg

'n denkpatroon volg sonder om die nodige kritiese vrae te vra. Ons vrae is

egter nie 'n poging om die wetenskap verkeerd te bewys nie, maar om onsself

meer toe te rus en ons omgewing beter te leer ken.

Soos ek wiskundig, aangedui het, (Wat 'n integrale deel is van die

wetenskap), is die kanse dat die vorm van die "spoel gate" dit 12 keer kan

herhaal bykans wiskundig onmoontlik en indien dit wel so is, dan is dit óp

sigself 'n wonder.

Jy noem dat die Groblershoop Formasie bestaan uit kwartsiete, skiste en

metalawas. Ons het natuurlik nie 'n idee wat dit alles beteken nie, maar op

bygaande foto kan duidelik gesien word dat die formasie waarin die spore

gevorm is 'n konglomeraat van sand (klei) en spoel klippe is. Is dit ook op

dieselfde stadium gevorm?

Ek wil my vriend André herinner, dat die geskiedenis ons leer dat in

gevalle waar dit werklik saak maak, is die meerderheid en die geleerdes

gewoonlik verkeerd.

Lees gerus Luk 23:21

maar hulle het aanhoudend uitgeroep: "Kruisig, kruisig hom!"

Groetnis en baie dankie.

Wollie Burger

ns Die ander foto's is die glip-laag en een van die gate wat nie deel is van

die spore waarvan ons afdrukke gemaak het nie.

Eselkloupan

Hallo lede en vriende van die Boegoeberg Eco Roete, Ons wil graag met julle

'n stukkie interessante inligting deel.

'n Paar van ons het die afgelope tyd weer die plaas Eselkloupan besoek en

glasvesel afdrukke gemaak om die spore met mekaar te vergelyk.

Dit is daarna wit geverf en gefotografeer en die resultate kan u op die

aangehegde foto's sien.

Die vraag wat mos gestel word, "Is Eselkloupan se spore esel spore of spoel

of maalgate"?

Geoloë beweer dat die gesteente waarin die "Spore" gevorm was, gevorm is

voordat daar diere op aarde was. Hulle sê dat dit deur water en verweering

gevorm is.

Ons gaan nie waag om te sê wat dit is of nie is nie, maar ons wil tog sekere

punte in hierdie debat stel.

Kom ons neem die wiskundige roete en vra of hierdie teorie moontlik is en

dan sekere moontlikhede uitwys.

Kom ons maak gebruik van die wet van gemiddeldes en ons vra die vraag wat is

die waarskynlikheid dat die gate as gevolg van natuurlike verwering kon

ontstaan.

Kom ons probeer dit so verduidelik.

As ons 'n dobbelsteen neem en ons gooi dit, is die kans dat dit op 'n ses

sal val 1 uit 6. (6 Kante) Om twee sesse te gooi is die kans 1 uit 36 (6x6).

3 sesse is 1 uit 216 (6x6x6) ens ....ens....ens.

Wat is die kans dat jy twee spoel gate kry wat soos 'n esel spoor lyk?

Miskien het u al so 'n spoor gesien, maar ek woon my lewe lank naby

Oranjerivier, het al baie Augrabies en die potholes by Blyderivier besoek

en ook by die see, maar kan nie onthou dat ek juis so 'n spoor gesien het

nie. Miskien is u geheue beter en sal graag daarvan wil hoor.

Vir hierdie oefening aanvaar ons dat dit waarskynlik is dat daar 1 so 'n gat

vir elke 1000 spoel gate is.

Om dus twee spoel gate te kry wat soos 'n esel spoor lyk, is die

waarskynlikheid 1000 X 1000. M.a.w. 1 uit 'n miljoen.

Die waarskynlikheid om dus 5 sulke gate te kry is 1000 x 1000 x 1000 x 1000

x 1000. M.a.w. 10 tot die mag 15.

Die waarskynlikheid dat hierdie spore almal dieselfde grote, dieselfde

diepte en in die selfde rigting wys en nog binne 'n radius van 3 meter van

mekaar is, maak dit wiskundig onmoontlik.Daar is ongeveer 12 duidelike

"spore"

Indien dit dan wel spoelgate is, wat soos u self kan aflei hoogs

onwaarskynlik is, behoort dit ook as 'n wonder erken te word.

Ons sal graag u kommentaar hieroor wil hoor.

Ons dank aan George Vos dat ons weer sy plaas kon besoek.

Groete

Wollie Burger

Deon Rossouw Skruif:

Hi Wollie,

Die "Eselsklou" afdrukke, is geleë in die kwartsiete, skiste en metalawas

van die Groblershoop Formasie. Die formasie se ouderdom is met die zircon

dateeringsmetode bepaal, wat 'n welbekende en bewysde wetenskaplike metode

is. Volgens die metode het die Groblershoop Formasie omtrent 2 biljoen jaar

gelede gevorm, dus heelwat voor lewe geskep is.

My verstaan, as christen geoloog, is dat Gen 1:1 In die begin het God die

hemel en die aarde geskape. Gen 1:2 En die aarde was woes en leeg, en

duisternis was op die wêreldvloed, en die Gees van God het gesweef op die

waters.

Hierdie gedeelted staan voor die "6 dae skepping" gedeelte en was dus nie

deel daarvan nie. Ons weet ook nie hoe lank die tydperk verloop het tussen

die skep van die hemel en aarde en die "6 dae skepping" nie.

My verklaring dus: die kwartsiet het gevorm, 2 biljoen jaar gelede en in

onlangse tyd het die verwerings-spoelgate gevorm op bestaande nate en krake.

Daar word nie op enige ander plek op die kwartsiet sulke gate gekry nie en

daar is ook geen fossile in die kwartsiet gekry nie.

Enige een is welkom om van my te verskil of kommentaar te lewer.

Groete

Deon Rossouw

Exploration Manager - Northern Cape

Aquila Steel (South Africa) Pty Ltd

Andre Smith antword ook:

Dankie Deon

Die aannames het my baie gepla en pla my steeds. Seker omdat daar geen

wetenskap daaragter is nie. Die wetenskap help my juis om die wonder van God

se skepping soveel 'groter' te maak.

Dit is baie mooi 'spore' op die foto. Stuur die foto's na die paliosooloë

dat dit bestudeer. Stuur die rots na geoloë dat hulle dit bestudeer. Dit is

waar daar begin moet word. Ons hoev nie daaroor te wonder en te debateer, as

ons kan weet nie.

Jammer, ek wil nie geesdrif demp nie, maar ek kan nie anders as om met Deon

saam te stem nie. Ek wil ook almal aanmoedig om so 'n bietjie meer van

geologie en paliosoologie te leer om juis die wonder van God se skepping te

beleef. As Wollie ons honger gemaak het om meer van die skepping te leer is

dit baie goed, maar ons moet daarmee saam die grootheid van die Skepper

'ontdek' is dit die BESTE. Die eerste prys.

Groete

Andre Smith

Waardering

Hier is "n brief van waardeuring vir ons voorsitter:

Hi Carin,

Jong weereens baie dankie wat jy doen vir toerisme in ons streek.

Jy het 'n besonderse talent en passie vir hierdie saak en jy sal agterkom dat alhoewel jy nie altyd die waardering ontvang wat jy verdien nie, jy baie meer ontvang as wat jy gee.

Jy ontwikkel as mens en jy ontmoet mense wat ander nooit die geleentheid sal kry om mee kennis te maak nie.

Aan die einde van die dag het jy 'n ryk en avontuurlike lewe wat net vir mense beskore is wat hul gemeenskap dien.

Liefde

Wollie Burger

Namens Byna Bo Landbou Unie

e-pos wollieburger@lantic.net

tel no. 0833037762